Hákun og teir mistu sigurin á Magdeburg úr hondum

Füchse Berlin tapti tepurt fyri Magdeburg á útivølli í gjár og misti helst eisini kjansin at endurvinna týska meistaraheitið.

Hákun West av Teigum skeyt trý mál upp á tríggjar skotroyndir, men berlinrevarnir megnaðiuikki at halda fast í tepru leiðsluni, sum teir høvdu havt stórar part av dystinum.

Síðstu sjey minuttirnar fór Magdeburg framum, og eftir hetta var eingin vegur aftur hjá føroyska landsliðsveinginum og hinum úr høvuðsstaðarfelagnum.

Magdeburg er nú fremst við 48 stigum, Flensburg hevur 41, Füchse Berlin 40, Gummersbach 37, og Kiel er nummar fimm við 36 stigum.

Elias Ellefsen á Skipagøtu hevur sitið uttanfyri við akslaskaða í fleiri vikur, men hann fekk nakrar minuttir fríggjakvøldið, tá Kiel tapti fyri Melsungen við einum máli. Føroyingurin skoraði tvey og legði upp til eitt mál.

Hannover-Burgdorf við Vilhelmi Poulsen er á 10. plássi í Bundesliguni eftir 33-27 tap fyri Gummersbach leygardagin.