309 sethús seld í fjør

Í fjør vóru seld 309 sethús í Føroyum.

Tey vóru 282 í 2024 og 263 í 2023, skrivar Hagtovan.

Størsta sethúsasølan var í 2015, tá 398 sethús blivu seld.   

Færri bústaðir vóru bygdir í fjør enn undanfarin ár.

Sambært Hagstovuni vóru 229 býli bygd í fjør. Tey vóru 106 sethús, eitt raðhús og 122 íbúðir.

Fleiri íbúðir

Í 2024 var talið 331 býli. Eisini tað árið vóru íbúðirnar í meiriluta. Tær vóru 203. Sethúsini vóru 119.

Sama er at siga um 2023. Tá vóru nýggju býlini 252, 136 íbúðir og 88 sethús.

Vit skulu heilt aftur til 2020 fyri at finna minni bústaðarbygging enn í fjør. Tá var talið 171.

Tað var gamaní koronuár.

Men í 2019 var talið 188. Tað var 218 í 2018.