Italia fordømir brot á vápnahvíld í Miðeystri

Italski forsætisráðharrin, Giorgia Meloni, fordømir brot á vápnahvíldina í Miðeystri.

Fleiri evropiskir starvsfelagar hjá henni fordøma Ísrael fyri álopið á Libanon, men Meloni nevnir, sambært Reuters, ikki ítøkiliga Ísrael og Libanon, men sigur, at Italia "fordømir øll brot á vápnahvíldina í Miðeystri".

Í røðu í italska tjóðartinginum sigur hon, at tað er lívsneyðugt áhugamál hjá Italia og ES at tryggja frælsa og trygga farleið í Hormuzsundinum.

- Vit eru eitt stig frá, at ikki vendist aftur. Men nú standa vit fyri einum skroypiligum útliti fyri friði, sum avgjørt skal strembast eftir, sigur hon, sambært Reuters.