Pengar úr ALS til útlendingar skulu avmarkast til ein arbeiðsgevara

Skulu tey, sum hava arbeiðs- og uppihaldsloyvi í Føroyum, fáa pengar frá ALS, skal loyvið vera avmarkað til ein arbeiðsgevara.

Tí annars kunnu fólk ikki metast at vera tøk á arbeiðsmarknaðinum, tí tey ikki kunnu átaka sær eitt og hvørt fulltíðarstarv í Føroyum. 

Tað sigur ALS.

Og tað sigur Kærustovnurin eisini.

Kært var um eina avgerð hjá Arbeiðsloysisskipanini um at nokta at lata arbeiðsloysisstuðul frá 31. januar til 15. apríl í fjør.

Avgerðin staðfest

Kærustovnurin staðfesti avgerðina hjá ALS.  

Orsøkin til, at ALS noktaði, var, at ALS ikki fekk arbeiðs- og uppihaldsloyvi, sum var avmarkað til ein arbeiðsgevara.

Tað er treytin fyri at lata arbeiðsloysisstuðul.

Fólk, sum hava tíðaravmarkað arbeiðs- og uppihaldsloyvi og ikki hava rætt til arbeiðsloysisstuðul, kunnu søkja um at sleppa undan at gjalda ALS pengar.