Harta landsstýrið fyri ikki at virða javnstøðuna

Eisini felagsskapurin Demokratia hartar nýggja landsstýrið fyri ikki at virða javnstøðuna.

Við yvirskriftini "Javnstøða skal vísast, ikki lýsast" hartar Demokratia samgonguna fyri ikki at halda tað, tey sjálvi skriva í samgonguskjalinum. Har stendur at "vit skulu hava javnstøðu í huga í øllum samfelagsligum evnum."

- Demokratia fegnast um føgru orðini, men harmast um, at tey ikki verða víst í verki, sigur felagsskapurin í almennari fráboðan.

Slær egnu orð upp í glens

Javnstøðunevndin finst hvassliga at kynsbýtinum í nýggja landsstýrinum, har tað vera fimm menn og tvær kvinnur.

- Samgongan slær síni egnu orð upp í glens. Ósvitaliga signalið frá nýggju samgonguni til okkum øll - heimabúgvandi og útisetar, er, at javnstøða skal altíð takast í álvara, uttan tá tað ræður um veruliga valdsbýtið, skrivar Javnstøðunevndin í yvirlýsing í gjárkvøldið.

Halla Nolsøe Poulsen, forkvinna, segði soleiðis við útvarpið klokkan átta: