ABC á Breddanum: Hvar síggjast breiðu semjurnar í samgonguskjalinum?

Dagurin í gjár var merktur av smílum, tá nýggja løgtingið kom saman fyri fyrstu ferð, og seinni var eisini pinnamatur og blómur handaðar úti í Tinganesi, har nýggju landsstýrisfólkini tóku við starvinum. 

Smíl og gott lag hava eisini eyðkent samgongusamráðingarnar, í øllum førum at síggja til.

Men fer tað at halda fram, tá ABC-samgongan av álvara fer til verka? 

Eisini verður spurt, hvussu tær breiðu semjurnar síggjast aftur í samgonguskjalinum?

Og hvat er tað fyri ein politikkur, sum vit kunnu vænta okkum í hesum valskeiðnum? 

Hallur av Rana, stjórnmálafrøðingur, og Jóhann Lútzen, blaðstjóri á Norðlýsinum, koma í útvarpsstovuna. 

Birgit Carina Eliasen og Katrin Johannessen leggja sendingina til rættis. 

Breddin klokkan 10.