Nýggjur sóknarprestur á Tvøroyri

Jákup Erlingsson Petersen er settur í embætið sum sóknarprestur í Suðuroyar norðara prestagjaldi við sæti á Tvøroyri.

Hann byrjar 1. august. 

Roknast kann við innsetingargudstænastu, tá farið er um hálvan august, sigur heimasíðan hjá fólkakirkjuni.

Jákup Erlingsson Petersen var prestvígdur í januar 2018.

Tá bleiv hann vikarur í Suðurstreymoyar vestara prestagjaldi í nakrar mánaðir. 

Sóknarprestur í Hvalvík

Í september 2019 bleiv hann sóknarprestur í Norðstreymoyar eystara prestagjaldi við sæti í Hvalvík.

Fýra kirkjusóknir eru í Suðuroyar norðara prestagjaldi, Tvøroyri, Hvalba, Fámjin og Sandvík.

Bønhús er í Øðravík.

Bara ein umsøkjari var var til starvið sum sóknarprestur í Suðuroyar norðara prestagjaldi .