Bara sløk helvt av pensjónum er sett í íløgur

Bara sløk helvtin av pensjónunum er sett í íløgur.

Ein kanning, sum spyr.fo gjørdi fyri Føroya banka, sigur, at 43 prosent av teimum spurdu søgdu, at teirra pensjón ikki er sett í íløgur. 

Hjá 20 prosentum er pensjónin í íløgum. 14 prosent søgdu seg ikki vita.

Í kanningini var eisini spurt um áhugan fyri og vitanina um íløgur.

Hann er lítil. Bæði áhugin og vitanin er serliga lítil hjá spurdu kvinnunum.

Serliga í Norðoyggjum

Serliga í Norðoyggjum eru fáar pensjónir í íløgum.

Har svaraðu 63 prosent, at tey ikki hava sett pensjónina í íløgur. 

Til samanberingar er talið í høvuðsstaðnum 40 prosent og í Eysturoynni 39 prosent.

Onnur hvør kvinna hevur ikki sett pensjónina í íløgur. Hjá monnunum er talið 37 prosent.

Av teimum spurdu, sum hava børn undir 18 ár, svara bara níggju prosent, at barnasamansparingin er sett í íløgur.