Vápnahvíldin millum Ísrael og Libanon longd tríggjar vikur

Vápnahvíldin millum Ísrael og Libanon er longd í tríggjar vikur.

Tað boðaði amerikanski forsetin, Donald Trump, frá í nátt eftir samráðingar millum Ísrael og Libanon í Hvítu Húsunum í gjár, skrivar tíðindastovan Reuters.

Vápnahvíldin, sum upprunaliga skuldi vera í tíggju dagar, byrjaði fíggjadagin, og skuldi fara úr gildi mánadagin.

Hon verður nú longd eina viku aftrat.

Londini bæði hava ákært hvørt annað fyri at bróta vápnahvíldina seinastu dagarnar.

Longda vápnahvíldin kemur samstundis sum yvirgangsfelagsskapurin Hizbollah sigur seg hava framt rakettálop har norðuri í Ísrael, eftir at Libanon í gjár legði Ísrael undir at fremja krígsbrotsverk, tá ein libanskur journalistur eftir øllum at døma var dripin í einum ísraelskum loftálopi.