Rósan nummar 10 til World Cup II

Estetiska kvinnuliðið Rósan hjá fimleikafelagnum Støkk endaði nummar 10 til World Cup II-stevnuna, sum hevur verið í París um vikuskiftið.

30 lið vóru við í kappingini, og 12 teirra komu í finaluna. Eitt av teimum var Rósan, sum endaði á 9. plássi millum tey 12 sunnudagin. Stigini vóru kortini lagd saman við úrslitið í innleiðandi kappingini, og so vóru føroyingarnir á 10. plássi. 

Kvinnuliðið hjá Ljósinum, Lyra, sum hevur vunnið á Rósuni í øllum trimum steypakappingunum í vetur, kom akkurát ikki í finaluna. Tær vóru 0,2 stig ov stuttar. Russiska liðið Expressia vann kappingina.

Kvinnuunglingarnir hjá Ljósinum, Norma, megnaði eisini at koma í finaluna, og tær endaðu samanlagt nummar 11 av 24 liðum.

norma_unglingar.jpg