Hormuzsundið: Føroyski skiparin liggur í bíðistøðu

Hormuz-sundið, ið er ein av týdningarmiklastu siglingarleiðum í heiminum, hevur verið stongt, síðani kríggið í Miðeystri brast á í februar. Mitt í hesum brennideplinum situr føroyski skiparin, Per Knudsen, á brúnni á Mærsk Baltimore. Hann og manningin liggja í løtuni nakrar fjórðingar í útnyrðing úr Dubai og fylgja gongdini tætt.

Mærsk Baltimore er eitt risastórt bingjuskip, ið ber heilar 4.000 bingjur. Vanliga hevði skipið verið í støðugari sigling, men síðani kríggið byrjaði, hava teir ligið í bíðistøðu. Sambært Per Knudsen er logistikkurin tó í lagi, og tað ger tað gjørligt hjá teimum at halda út í langa tíð enn.

"So leingi vit fáa proviant og olju, kunnu vit liggja leingi," sigur Per Knudsen.

Hóast støðan í økinum er spent, og teir síggja dronur, hernaðarflogfør og herskip, so er skiparin sjálvur ógvuliga róligur. Hann vísir á, at teir eru ikki nakað hernaðarligt mál.

Per greiðir eisini frá, at huglagið millum menninar er gott, hóast teir liggja so tætt at ófriðinum.

Nú bíða teir bert eftir boðum frá reiðarínum, so teir kunnu koma undir vanliga sigling aftur.

Per Knudsen prátaði við morgunsendingina. Øll samrøðan kann hoyrast her: