Leigustuðul fyri tvær milliónir um mánaðin

Í uppskotinum hjá landsstýrinum um eykajáttan, sum skal hava fyrstu viðgerð á tingfundinum í dag, verður biðið um hálva millión til Almannaverkið at umsita leigustuðulin.

Neyðugt verður at seta fólk til hesa umsiting.

Lógin um leigustuðul skal koma í gildi 1. september.   

Neyðugt verður tí at framskriva játtanina til fult virksemi í 2027, sigur landsstýrið.

Mett verður, at leigustuðulin kostar seks milliónir fyri teir tríggjar mánaðirnar, hann skal latast í ár.