Hitamet í Fraklandi og Bretlandi

Frakland hevur skrásett heitasta dag í mai higartil, upplýsir veðurstovnurin í landinum 

- Í Fraklandi var annar hvítusunnudagur sum heild heitasti dagurin í mai, síðani farið varð undir mátingar, skrivar franski veðurstovnurin.

Metið fer tó bert at vara í ein dag, tí veðurforsagnirnar siga, at miðalhitin í Fraklandi hækkar eisini í dag. 

Væntandi verður mesti hitin millum 33 og 36 stig.

Eisini met í Bretlandi

Hitamet varð eisini sett í Bretlandi í gjár. 

Í London vórðu mátað 34,8 stig, sum er mesti hiti, sum higartil er skrásettur í mai mánaði.

Í Spania ávarar almenni veðurstovnurin um, at óvanligi hitin hesa árstíðina verður um alt landið meginpartin av vikuni.

Í Italia eru avmarkingar settar fyri arbeiði uttandura. 

Slíkar reglur vóru eisini settar í verk í fjør, men ikki fyrr enn um mánaðarskiftið í mai/juni.