Søkja eftir deildarleiðara til Sernám

Undirvísingarstýrið søkir eftir deildarleiðara til Sernám.

1. juni verður Sernám skipað sum deild í Undirvísingarstýrinum.

Umsóknarfreistin er 14. juni. Starvið verður sett 1. august.

Bárður á Lakjuni, landsstýrismaður í mentamálum, hevur avgjørt at leggja saman Sernám og Undirvísingarstýrið.

Varandi skipan

Harvið verður fyribilsskipanin, sum hevur verið síðani 1. september í fjør, varandi.

Endamálið við bygnaðarbroytingini er at skapa størri samanhang millum sernámsfrøðiliga virksemið og undirvísingarøkið sum heild, serliga í fólkaskúlanum, sigur landsstýrismaðurin.

Samstundis verður arbeitt fyri góðum samstarvi við dagstovnaøkið og miðnámsøkið, sum bæði fáa ráðgeving frá Sernámi.