Verkfallið hjá íslendska Sjómannafelagnum er nú liðugt

Verkfallið rakti og legði trý skip hjá Faroe Ship. Mánadagin á middegi byrjaði verkfallið hjá íslendska Sjómannafelagnum, sum stúrdi fyri, at íslendskir sjómenn fóru at verða uppsagdir og bílig útlendsk arbeiðsmegi skuldi setast í staðin.

Bæði Eimskip og Faroe Ship hava víst á, at tey trý skipini, sum vórðu rakt av verkfallinum, eru mannað og lønt sambært íslendskum sáttmálum.

Steinar Eirikstoft, stjóri í Faroe Ship, segði fyrr í vikuni, at í Føroyum merktist verkfallið lítið ella als ikki.

Nú verður farið beint í gongd at fáa skipini aftur í sigling aftur. Væntandi hava skipini innhentað seinkinginga í næstu viku.