Løgmaður valt nýtt váðaráð

Beinir Johannesen, løgmaður, hevur valt limirnar, ið skulu manna Føroya váðaráð næstu fýra árini. 

Limirnir verða valdir eftir tilmæli frá Landsbankanum, Búskaparráðnum og landsstýrismanninum í vinnumálum.

Limirnir í í nývalda váðaráðnum eru:

Malan Johansen, stjóri í Landsbanka Føroya. Ester Hansen, ráðgevi í Landsbanka Føroya, er varalimur

Torben Magnus Andersen, ph.d og professari á Århus Universiteti. Marita Rasmussen, stjóri á Havstovuni, er varalimur

Björn Rúnar Guðmundsson, serfrøðingur á Hagstovu Íslands. Herit Albinus, námslektari á Fróðskaparsetur Føroya, er varalimur

Jógvan Thomsen, stjóri á Vinnustovninum. Gudmundur Effersøe Nónstein, ráðgevi í Tryggingareftirlitinum, er varalimur

Ragnfríð Nord Anthoniussen, fulltrúi í Vinnumálaráðnum, og Jóanna Djurhuus, deildarstjóri í Vinnumálaráðnum, er varalimur.