Heilsuhjálparafelagið: Álitisfólkini boðað til fundar í morgin

Heilsuhjálparafelagið hevur kallað øll álitisfólkini hjá felagnum til fundar í morgin kl. 13.

Fundurin kemur eftir at semingsroyndin millum Heilsuhjálparafelagið og Kommunala arbeiðsgevarafelagið í síðstu viku miseydnaðist.

Bæði Heilsuhjálparfelagið og Kommunala arbeiðsgevarafelagið vrakaðu semingsuppskotið. KAF segði, at sambært semingsuppskotinum fór nýggi sáttmálin at kosta ov nógv.

Heilsuhjálparafelagið vrakaði semingsuppskotið, tí tað tók støði í avtaluni um felags lønarkarm, sum 12 fakfeløg gjørdu við Fíggjarmálaráðið.

Lønarkarmurin er 3,87 prosent fyrsta árið. 

- Hetta er ov lítið fyri okkara limir, sigur Mary Antonsdóttir, forkvinna í Heilsuhjálparafelagnum: