Fongslið við Áir verður liðugt í 2030

- Nýggja fongslið við Áir verður klárt at taka í nýtslu við ársenda í 2030, um alt gongur sum ætlað.

Tað sigur Eyðstein Zachariasen, borgarsjóri í Sunda kommunu.

Kommunan skipaði í gjárkvøldið fyri borgarafundi saman við umboðum hjá Danmarks Fængsler.

Sambært borgarstjóranum eru fólk sum heild spent at fáa verkætlanina til økið og greiða fekst eisini á teimum ivamálum, sum fólk høvdu:

Nýggja fongslið við Áir kemur fyri Varðhaldið í Mjørkadali, og pláss verður fyri 36 fangum.