Friðarsamráðingarnar millum USA og Iran avlýstar

Friðarsamráðingarnar millum USA og Iran, sum skuldu byrja í Burgenstock í Sveis í dag, eru avlýstar.

Tað skrivar Reuters-tíðindastovan, sum vísir til eini boð frá sveisiska uttanríkisráðnum, men boðini siga einki um orsøkina til avlýsingina.

Amerikanski varaforsetin, J. D. Vance, skuldi leiða amerikonsku sendinevndina, men varaforsetin hevur nú boðað frá, at hann av logistiskum ávum ikki fær komið.

Tað er heldur ikki greitt, nær tað so verður farið undir samráðingarnar um tey seinastu viðurskiftini í friðaravtaluni millum USA og Iran.

Samstundis sum samráðingarnar í dag eru avlýstar, hevur ísraelski herurin í nátt bumbað Hizbollah-mál í syðra parti av Libanon.

Júst ísraelski leikluturin í Libanon er ein partur av friðaravtaluni, men ísraelar eru als ikki nøgdir við avtaluna, og álopið í nátt er eitt greitt tekin um tað.