Íslendski forsetin komin til landið

Fyri løtu síðani komu íslendsku forsetahjúnini, Halla Tómasdóttir, og Björn Skúlason, á almenna vitjan í Føroyum.

Tey komu við flogfarinum hjá Atlantsflogi úr Keflavík.

Beinir Johannesen, løgmaður, og konan Helena Johannesen tóku ímóti.

Forsetahjúnini eru nú á veg til Havnar, har fundur verður millum forsetan og Beinir Johannesen, løgmann, í Tinganesi. 

Eftir tann fundin verður farið í løgtingið. 

Í kvøld eru løgmaður vertur fyri døgurða á Hotel Føroyum. 

Í morgin gongur leiðin í Eysturoynna, har forsetin fær høvi at síggja Eysturoyartunnilin, MEST á Skála, svimjihøllina í Runavík og Bakkafrost.

Myndir: Bjarni Árting Rubeksen:
 

Halla Tómasdóttir og Bjørn Skúlason

Beinir Johannesen og íslendski forsetin

Íslendsk forsetavitjan

Helena Johannsen og Bjørn Skúlason

Beinir Johannesen og Halla Tómasdóttir

Beinir Johannesen og Halla Tómasdóttir