Fløðir í kassanum í Vági

Roknskapurin hjá Vágs Kommunu, sum varð góðkendur á býráðsfundi í vikuni, vísir 4,9 milliónir krónur í avlopi.

Tað er munandi betri enn mett varð í fíggjarætlanini fyri 2025, har roknað var við 3,5 milliónum krónum í halli.

Tað upplýsir Vágs Kommuna í tíðindaskrivi ídag.

Sambært roknskapinum vóru samlaðu inntøkurnar hjá Vágs Kommunu 86,7 milliónir krónur í fjør. Inntøkurnar eru 4,1 milliónir krónur hægri enn í 2024.

Tað kostaði 75,8 milliónir krónur at reka Vágs Kommunu í fjør, og harumframt vórðu íløgur gjørdar fyri seks milliónir krónur.

Tí lógu 4,9 milliónir eftir í kommunukassanum, tá árið varð gjørt upp.

Við árslok var langfreistaða skuldin hjá Vágs Kommunu 39,9 milliónir krónur, upplýsir kommunan.