Ísland: Grønlendska fólkið eigur Grønland

Ísland tekur undir við, at Grønland er partur av Danmark, og grønlendska fólkið eigur Grønland. 

Eingin ivi skal vera um tað, segði íslendski forsætisráðharrin, Kristrún Frostadóttir, við RÚV, áðrenn fundurin hjá Nato í Ankara byrjaði í morgun.

Hon segði seg hava stórar vónir til nevndina, sum Grønland, Danmark og USA hava sett at greiða kravið hjá Trump um, at USA skal eiga Grønland. 

Gera tað, sum Nato væntar

Hon segði eisini, at Ísland ger alt tað, sum Nato væntar av Íslandi.

Hon segði, at Ísland brúkar nú næstan eitt prosent av bruttotjóðarframleiðsluni til Nato.

- Vit eru gott umboð fyri verjuna í Norðurhøvnum, og eru eygu og oyra hjá Nato, segði Kristrún Frostadóttir.