Frítekst tagging:
- Tíðindi, mentan og ítróttur
Kommunur skulu hava løggildan rottutýnara
Kommunur skulu hava løggildan rottutýnara
Arbeiðið skal skipast og skrásetast betur, sigur landsstýriskvinnan í heilsumálum
Nýggju rottukunngerð er komin í gildi.
09.07.2026 - 12:20
Frameftir skulu allar kommunur hava løggildan rottutýnara.
Tað er ásett í nýggju Rottukunngerðini, sum júst er komin í gildi.
- Rottutýningar- og fyribyrgingararbeiðið skal skipast og skrásetast betur, sigur Eyðdis Hartmann Niclasen, landsstýriskvinna í heilsu- og orkumálum
Gamla kunngerðin, sum er frá 2017, hevur eingi krøv og ongar reglur um løggildar rottutýnarar. Men vit hava longu løggildar rottutýnarar, sigur landsstýriskvinnan.
Eyðdis Hartmann Niclasen. (Mynd: Bjarni Árting Rubeksen)
Hóast nýggju herdu reglurnar, so ger Eyðdis Hartmann Niclasen greitt, at tað ikki bara vera løggildir rottutýnarar, sum kunnu leggja rottueitur, t.d. í haga.
Eins og í gomlu kunngerðini eru strangar reglur viðvíkjandi rottufríum oyggjum. Tær eru Fugloy, Svínoy, Kalsoy, Nólsoy, Hestur, Koltur, Sandoy, Mykines, Skúgvoy, Stóra Dímun, Lítla Dímun og so eisini hólmarnir Mykineshólmur, Trøllhøvdi, Tindhólmur og Gáshólmur.
Hoyr innslag í útvarpstíðindunum:
Er kopiera
Nýggjastu sendingar í ÚV
Nýggjastu sendingar í SV
