Eiga at bøta um ljóðviðurskifti í dagstovnum

Á dagstovnaøkum eru fleiri viðurskifti, sum gera, at starvsfólk arbeiða í strongdum og avbjóðandi umstøðum.  Mirjam Johannesen, leiðari á Dagstovninum Sólareygað í Tórshavnar Kommunu, vísur millum annað á larm í dagstovnum. 

- Vit eru í einum belastaðum umhvørvi frá hálvgum átta til fimm um dagin, og tað er tí tað er nógvur larmur. Tað er ein barnaverð, og soleiðis eigur tað at vera. Í Tórshavnar Kommunu roynir man at hjálpa uppá tað, so at fleiri og fleiri stovnar fáa lagt okkurt slag av troldekk, so at ljóðið og larmurin er minni. Har er ein tilgond, men  langt frá á øllum stovnum. Tað er slettist ikki nøktandi í Tórshavnar Kommunu og neyvan yvirhøvur í Føroyum. Og tað er kanska ein spurningur um raðfesting.

- Man eigur at hava ein trygdarbólk á arbeiðsplássinum, sum tekur tílík mál upp. Tá man hugsar trygd á einum arbeiðsplássi, so hevur tú ein arbeiðsgevara, ein leiðara, arbeiðsleiðara,  trygdarumboð og starvsfólk. Tá man ikki tekur hetta upp í einum trygdarbólki, tá tingini ikki rigga, tað er tá vit verða boðsend, sigur Tummas Pauli Juul, deildarleiðari á Arbeiðs- og brunaeftirlinum.

Arbeiðs- og brunaeftirlitið heitir á arbeiðsgevarar at nýta vegleiðingar hjá Arbeiðs- og brunaeftirlitinum innan sálarligt arbeiðsumhvørvi.

Hoyr innslag í útvarpstíðindunum, sum Malan Bisp Poulsen hevur gjørt: