Heldur fast um at útluta fleiri fiskidagar

Bárður á Steig Nielsen, landsstýrismaður í uttanríkis- og fiskivinnumálum, stendur við avgerðina um at luta fleiri fiskidagar út til bólk 5.

Higartil í ár hevur bólkur 5 samanlagt fiskað stívliga 42 prosent av toskinum, sum er fiskaður í føroyskum sjógvi. Bólkur 5B hevur fiskað stívliga 16 prosent. Tað er tó ikki ein nøgd, sum órógvar landsstýrismannin.

Heldur enn at avmarka bólk ógvusliga í fiskidagatali, eiga onnur átøk at gerast fyri at verja ungfiskin, heldur landsstýrismaðurin.

Hann letur ongan iva vera um, at tað er bólk 5B, og ikki allan bólk 5, sum hann ætlar skal hava fleiri fiskidagar. Hann leggur stóran dent á, at fiskiskapurin í bólki 5B í stóran mun snýr seg um at verja føroyska mentan og siðaarv.

Bátar í bólki 5B eru útóðrarbátar, sum ikki eru fullriknir. 

Hoyr samrøðuna við landsstýrismannin.