Rætt at lata bólki 5 fleiri fiskidagar

MSC skal ikki gera av, hvussu fiskiskapurin undir Føroyum verður skipaður, sigur Sniálvur Røvilsberg, nevndarlimur í Fiskimannafelagnum, sum rør út millum túrar

Sniálvur Røvilsberg sær onga meining í at skerja fiskiskapin so nógv, tá nógv er at fáa - og toskastovnurin hevur tað gott, heldur hann. (Savnsmynd)

Ingolf Sólheim Olsen

15.07.2026 - 13:25

- Tað er púra rætt at økja dagatalið í bólki 5 munandi.

Tað heldur Sniálvur Røvilsberg, nevndarlimur í Fiskimannafelagnum, sum rør út millum túrar.

Hann sat í gomlu fiskidaganevndini frá 2007, til hon varð tikin av við fiskivinnunýskipanini, sum fór at virka á nýggjárinum í 2018.

Sniálvur Røvilsberg - mynd av Facebook-vanga

Sniálvur Røvilsberg. (Mynd á Facebook-vanga)

Sniálvur Røvilsberg sær onga meining í at skerja fiskiskapin so nógv, tá nógv er at fáa - og toskastovnurin hevur tað gott, heldur hann.

Hann viðurkennir, at tað er neyðugt at avmarka fiskiskap í ávísan mun, men Føroyagrunnurin tolir væl, at bólkur 5 fær fleiri dagar.

Sniálvur Røvilsberg heldur í hvussu er ikki, at altjóða felagsskapurin Marine Stewardship Council, MSC, ið ger metingar um, hvørt hesin ella hasin fiskiskapurin er burðardyggur, skal gera av, hvussu føroyski fiskiskapurin verður skipaður.

Hoyr innslag í útvarpstíðindunum:

15072026_Rovilsberg_og_utrodur