Frádráttur fyri limagjald

Samgongan hevur sett sær fyri at fremja eitt mál, sum fakfeløg í nógv ár hava biðið um. 

Ætlanin er at geva frádrátt fyri limagjald til fakfeløg.

Limir í fakfeløgum skulu fáa frádrátt upp til 4.000 krónur um árið fyri limagjaldið.

Tað verður eftir ætlan sett í verk stigvíst frá 2027, sigur landsstýrið. 

Men ikki eitt orð er um eitt annað stórmál hjá fakfeløgunum, tað er stytta arbeiðsvikan.

Hon er ikki nevnd við einum orði í røðuni hjá løgmanni í gjár og heldur ikki í fylgiskjølunum.