Nýtt krav longu strikað

Kravið um royndarfyrireikandi undirvísing í týskum - tað kravið kom í 2023 - fyri at søkja á hugbreyt skal longu nú takast av.

Færri søkja á hugbreyt. Tey vóru 154 í 2022, 88 í fjør og í ár bara 73. 

Okkurt má gerast fyri at venda gongdini, segði Bárður á Lakjuni,landsstýrismaður, innleiðsludagin hjá Glasi.

Hann segði eisini, at tá nakað er fráliðið, er ætlanin at avtaka serstaka kravið um alis- og evnafrøði, sum er galdandi fyri nakrar gymnasialar breytir. 

Hetta verður eftir ætlan galdandi eftir 2028, tá allir næmingar í fólkaskúlanum eftir ætlan skulu hava alis- og evnafrøði sum kravda lærugrein í 8. og 9. flokki.

Bárður á Lakjuni segði, at samgongan hevur sett sær fyri, at upptøkukrøvini frá fólkaskúla til miðnám skulu endurskoðast. 

Málið er, at somu upptøkukrøv vera fyri allar gymnasialu breytirnar, so lokið fólkaskúlaprógv gevur atgongd til allar breytirnar í miðnámi.