Byrjaði sum stjóri, tá ið Føroyar fóru á húsagang

Leif Abrahamsen tók við sum stjóri á Gjaldstovuni um tað mundið, tá ið Føroyar fóru á húsagang fyrst í nítiárunum.

Leif Abrahamsen var bara 32 ára gamal, og blekkið var ikki meira enn tornað á setanarbrævinum, tá hann fekk stóra avbjóðing.

Bankarnir fóru á húsagang, eftirstøðurnar hjá landinum vuksu, trygdirnar vóru burtur, og veðhald gjørdust effektiv. Og landskassin var tómur.

- Nú eg eri vorðin 67 ár, og havi verið við 35 ár við róðrið, er tíðin komin at leggja frá sær, sigur Leif Abrahamsen, sum nú fer at raðfesta familjuna, og ikki minst abbabørnini, sum búgva uttanlands.

Hoyr samrøðu við Leif Abrahamsen, sum var gestur í útvarpstíðindunum: