Løgmaður vertur í Danmark

Beinir Johannesen, løgmaður, og Mette Frederiksen, forsætisráðharri eru vertir hósdagin, tá Norðurlondini hava fund í Danmark.

Tí boðar forsætismálaráðið frá.

Øll átta Norðurlond vera við.

Á fundarskránni er samstarv um verjuna í Norðurlondum og, hvussu til ber at verja børn og ung móti netinum.

Og Føroyar koma enn eina ferð við ynskinum um fulla luttøku í norðurlendska samstarvinum, sigur løgmaður. 

Forsætisráðharrin sigur, at tingingarnar um sjálvstøðuga føroyska og grønlendska luttøku halda fram.