Breddin: Upplýsingar um føroyingar á netinum

Løgmaður hevur sent eitt uppskot til hoyringar, sum krevur, at internetveitarar skulu goyma ein logg, har tað stendur, hvør IP-adressa var online, og nær. 

Upplýsingarnar skulu goymast í eitt ár. 

Á tann hátt ber til hjá løgregluni at síggja, hvør eigur internethaldið, og nær tað er brúkt aftur í tíðina.

- Hetta uppskotið fevnir víða, men ikki djúpt, sigur stjórin í Dátueftirlitinum

- Við hesum amboðnum kunnu vit greiða nógv mál, sum vit ikki kunnu í dag, sigur løgreglan. 

- Vit eiga at taka kjakið um, hvar markið gongur fyri privatfriðin hjá fólki, sigur samfelagsfrøðingurin. 

Í sendingini verður politiskt kjak um uppskotið hjá løgmanni, og fýra løgtingslimir vera í útvarpsstovuni: Ruth Vang í Framsókn, Bjørg Brynhildaróttir Egholm í Tjóðveldi, Sunnvá Dahl Høgfeldt í Sambandsflokkinum og Jóhannis Joensen í Javnaðarflokkinum. 

Breddin klokkan 10.