Trý andstøðuuppskot til viðgerðar mikudagin

Bara framløga er á skránni fyri tingfundin í dag kl. 11.00.

Men mikudagin hava trý andstøðuppskot fyrstu viðgerð.

Tey eru lógaruppskotið hjá Tjóðveldi og Ruth Vang í Framsókn um stutttíðarleigu.

Og tvey uppskot eru til samtyktar.

Allir flokkar í andstøðuni vilja hava landslæknaembætið yvirtikið.

Og teir vilja hava landsstýrið at gera heildarætlan við ítøkiligum átøkum um, hvussu kynslig brotsverk kunnu fyribyrgjast og basast, og leggja lógaruppskot um hana fyri løgtingið.

Hósdagin eru munnligir spurningar á skránni hjá løgtinginum.