Vørn fer at umsita alla tilbúgving

Vørn fær nú alla tilbúgving.

Og Arbeiðs- og Brunaeftirlitið verður umskipað til Arbeiðseftirlitið.

Umsitingin av tilbúgvingarlógini og starvsfólkini, sum umsita hana, vera flutt frá Arbeiðs- og Brunaeftirlitinum til Vørn. 

Endamálið er at savna tilbúgvingarøkið í Vørn og styrkja samskipanina og menningina hjá økinum, sigur landsstýrið.

Við umskipanini verður arbeiðsumhvørvisøkið høvuðsvirksemið hjá Arbeiðseftirlitinum. 

Leivur Persson, sum hevur verið stjóri á Arbeiðs- og Brunaeftirlitinum, flytur við til Vørn sum deildarleiðari á tilbúgvingarøkinum.

Tummas Pauli Juul, deildarleiðari, hevur fyribils tikið við sum stjóri á Arbeiðseftirlitinum.

Broytingarnar koma longu 1. september.