Kannar møguleikan at sleppa viku- og mánaðarbløðum undan mvg

Landsstýrisamaðurin í fíggjarmálum ætlar at kanna, um til ber at sleppa viku- og mánaðarbløðum undan meirvirðisgjaldi.

Astrið Breckmann, løgtingskvinna, spurdi Aksel V. Johannesen, landsstýrismann, hví føroysk viku- og mánaðarbløð ikki sleppa undan meirvirðisgjaldi eins og tíðindabløð.

Meirvirðisgjaldsfrítøkan fyri tíðindabløð er ein søgulig og politisk serskipan, sum stuðlar tíðindaflutningi og fólkaræðisligum kjaki, sigur landsstýrismaðurin.

Føroysk viku- og mánaðarbløð vera ikki mett at hava somu samfelagsligu endamál. 

Verandi skipan er galdandi fyri pappírs- og talgild tíðindabløð. 

Les svarið her.