Orkuískoyti er ikki rætta loysnin

Samgongan tekur ikki undir við uppskotinum um at hækka orkuískoytið.

Hon mælir tinginum frá at samtykkja tað.

Tjóðveldi og Sjálvstýrið eiga uppskotið.

Samgongan í trivnaðarnevndini hjá løgtinginum sigur, at verandi skipan við árligum hjálparpakkum, so sum oljuískoyti,  hjálparískoyti og orkuískoyti, er ikki rætta loysnin.

Hesar veitingar hava støði í inntøku og ogn, ikki í tørvi.

Samgongan vísir á annan stuðul.

Lestrarstuðulin er hækkaður og leigustuðulin kemur í gidi í morgin.

Mótrokning

Arbeitt verður við at hækka mótrokningina hjá pensjonistum.

Og barnafrádrátturin hækkar stigvíst næstu árini.

Hækkar oljuprísurin aftur, fer landsstýrið í heyst at taka støðu til, um fíggjarliga sperd skulu fáa hjálp, siga fólkini hjá samgonguni í trivnaðarnevndini.

Skipanin við orkuískoyti kom í 2024.

Hon var tíðaravmarkað til trý ár og fer tí úr gildi í ár. 

Umsóknarfreistin í ár var 30. juni.