Nú ber til at søkja um leigustuðul

Nú ber til at søkja um leigustuðul.

Umsóknarblaðið er á heimasíðuni hjá Almannaverkinum.

Útgjald verður í fyrsta lagi mánaðin eftir, at Almannaverkið hevur fingið umsóknina.

Hann verður rindaður mánaðarliga afturúr á kontu hjá umsøkjaranum.

Leigustuðulin er 20 prosent av húsaleiguni, sum er ásett í leigusáttmálanum, men tó í mesta lagi 1.500 kr. um mánaðin.

Hjá húskjum, har eitt fólk er yvir 18 ár, lækkar leigustuðulin fimm prosent av inntøkugrundarlagnum, sum er omanfyri 350.000 kr.

Eru tvey fólk ella fleiri yvir 18 ár, lækkar stuðulin fimm prosent av inntøkugrundarlagnum, sum er omanfyri 500.000 kr.

Verður leigustuðulin minni enn 300 kr., fellur hann burtur.

Fyri hvørjar 12 mánaðir, húski hevur fingið leigustuðul, skal tað skjalprógva veruligu útreiðslurnar til húsaleigu seinasta árið.