Óbúgvið uppskot um kunngerð

Kunngerðin um vinnubrøv til ávís vinnutól er ikki búgvin til at seta í gildi.

Hon skal fyrst viðgerast vandaliga saman við vinnuni.

Arbeiðsgevarafelagið og Handverksmeistarafelagið taka undir við endamálinum um at tryggja, at fólk við førleikum arbeiða við vandamiklum vinnutólum.

Men uppskotið um kunngerð, sum landsstýrið hevur sent til hoyringar, er ikki búgvið.

Feløgini bæði mæla til at endurskoða uppskotið og síðani senda tað til nýggja hoyring.

Skipanin má til dømis vera lagað til føroyska arbeiðsmarkaðin, siga feløgini.

Hon má ikki skapa óneyðugan kostnað, óneyðuga umsiting ella forðingar fyri fyritøkur og lærlingar uttan ein samsvarandi trygdarvinning.

Í verandi líki eru ov nógv grundleggjandi viðurskifti ógreið, siga feløgini hjá arbeiðsgevarum í hoyringarsvari frá Vinnuhúsinum.