Volkswagen sigur 100.000 starvsfólkum upp

100.000 fólk hjá týsku bilverksmiðjuni Volkswagen missa arbeiðið. Ætlaninr hava verið um at minka um starvsfólkahópin 50.000 fólk, men nú er ætlanin at siga 50.000 fólkum upp aftrat.

Tíðindastovan AFP skrivar, at leiðslan og fakfeløgini eru vorðin samd um, at 100.000 færri fólk skulu starvast í fyritøkuni í 2030.

AFP skrivar, at hetta er størsta bygnaðarbroytingin í bilídnaðinum yvirhøvur.

Laga seg til fíggjarliga veruleikan

- Vit mugu tillaga talið á starvsfólkum við fíggjarliga veruleikan, sigur týska fyritøkan.

Volkswagen umboðar millum annað eisini Audi og Porsche.

Støðan er íkomin, serliga tí kappingin úr Kina er harðnað, men eisini tí, at eftirspurningurin eftir el-bilum hevur sveiggjað, og broytingar í tollinum USA.

Tey 100.000 fólkini, ið missa arbeiði, svara til 15 prosent av øllum teimum, ið arbeiða hjá Volkswagen í øllum heiminum.