Effo keypir tvey feløg í Hirtshals

Orkufelagið Effo hevur í dag keypt tvey feløg í Hirtshals í Danmark, Hirtshals Marineolie og Hirtshals Fiskernes Handelsselskab.

Tað skrivar Effo í tíðindaskrivi.

Felagið skrivar, at keypið styrkir støðuna hjá Effo í Danmark og økir bæði oljugoymsluna, veitingarmøguleikarnar og tænastustøðið hjá felagnum.

Orkufelagið Effo og Hirtshals

Keypið verður framt gjøgnum Carl Jensens Marinelager, sum Effo eigur saman við vinnulívsfólkum í Hirtshals. Í sambandi við keypið broytir Carl Jensens Marinelager navn til Effo Danmark, og samlaða virksemið í Danmark verður frameftir rikið undir tí navninum.

Hirtshals er ein týðandi havn fyri bæði fiskivinnu og sjóvinnu, og Effo sær góðar møguleikar fyri at menna virksemið víðari við støði í býnum. Og við Effo Danmark verður virksemið savnað undir einum felags navni og einum sterkari grundarlagi, stendur í tíðindaskrivinum.