840 milliónir fleiri goldnar í lønum seinasta árið

Lønarútgjaldingarnar halda fram at vaksa.

Vøksturin frá september í fjør til august í ár er 840 mió. kr., 6,3 prosent.

14,2 milliardir vóru goldnar í lønum frá september í fjør til august í ár.

Fiskiveiða og aling eiga fjórðing í vøkstrinum.

Hetta kemst serliga av lønarvøkstri í botnfiskiveiðu, skrivar Hagstovan. 

Flutnings- og goymsluvinnan eiga 13 prosent og framleiðsluvinnan 12 prosent í vøkstrinum.

Vøksturin í útgoldnum lønum hevur verið støðugur seinastu árini. 

Talan er um A-skattaðar lønir.