Eingin sólorka í svimjihøllini í hesum umfari

Svimjihøllin í Gundadali í Havn fær ikki sólorku í hesum umfarinum.

Tekniski stjórin, leiðarin á umhvørvisdeildini og leiðarin á bygningsdeildini hjá Tórshavnar býráði mæla til at bíða við at leggja sólorkuskipan á tekjuna á svimjihøllini, til tekjan skal skiftast um 10 til 15 ár. 

Tí taka náttúru- og umhvørvisnevndin og fíggjarnevndin undir við.

Býráðið skal viðgera málið í dag. 

Tær 485.000 krónurnar, sum longu eru játtaðar til verkætlanina, fara aftur í kommunukassan.