Nýggj ítróttahøll á Strondum um trý ár

Nýggj ítróttahøll á Strondum verður skjótt veruleiki.

Á kommunustýrisfundi hósdagin skal bygdaráðið góðkenna byggiskránna, og so skal arbeiðið bjóðast út.

Hans Anders Jacobsen

Hans Anders Jacobsen, borgarstjóri í Sjóvar kommunu, sigur, at hetta er ein gamal dreymur. Og gongst sum ætlað, verður høllin liðug um trý ár.

Strendur er hondbóltsbygd, og tað verður serliga Stranda Ítróttafelag, StÍF, sum skal brúka høllina.

StÍF hevur í meir enn 40 ár havt heimavøll í høllini á Skála.

Hoyr innslag í útvarpstíðindunum: 

Hans Anders Jacobsen vil ikki siga, hvussu nógv nýggja høllin fer at kosta, men hann vónar, at høllin kann standa liðug um eini trý ár.