Elbilar í Danmark verða dýrari og útbúgvingarstuðul lækkar

Danska stjórnin ger í løtuni uppskot til fíggjarlóg fyri næsta ár.

Stjórnin ætlar millum annað, at tað skal verða dýrari at keypa elbil, og færri lesandi, ið búgva hjá foreldrunum, fáa útbúgvingarstuðul.

Elbilar, ið kosta meira enn 366.000 krónur, verða dýrari frá 2027, tí avgjaldið, sum í løtuni er lægri enn á bensin- og dieselbilum, hækkar. 

Eitt annað uppskot er, at lesandi, sum búgva heima hjá foreldrum, ið hava størrii húsarhaldsinntøku enn 710.000 krónur, skulu fáa minni í lestrarstuðli. 

Í staðin fyri skal peningur nýtast til eitt nú ókeypis tannlækna, lægri skatt og at umskipa landbúnaðin, skrivar Danmarks Radio.