Ikki óvæntað at kvotan á Flemish Kap minkar

Føroyska toskakvotan á Flemish Kap minkar úr 3.433 tonsum í ár til 2.783 tons næsta ár - ein minking upp á næstan 20 prosent.

Limalondini í NAFO høvdu ársfund í farnu viku, har mest loyvda veiða og kvotabýtið blivu ásett.

- Undir givnu umstøðunum bleiv kvotan so stór sum tað bar til at fáa hana, sigur Stefan í Skorini, stjóri í Reiðarafelagnum.

Kvotan fyri 2026 hækkaði nógv samanborið við undanfarin ár, og tí kom tað ikki óvart á, at hon fór at minka hesa ferð.

Eivind, frystilínuskip

Lata upp fyri rækjufiskiskapi á Grand Bank

Toskakvotan á Flemish Kap minkar, men hinvegin verður nú latið upp aftur fyri rækjuveiðu á Grand Bank, har veiðibann hevur veriøå síðan 2015. Føroyar fingu 1,1 prosent av samlaðu kvotuni, og tað svarar til 18 tons. 

Føroyar hava tó, áðrenn veiðibannið varð sett í gildi í 2015, áhaldandi mótmælt býtinum av rækjum millum NAFO-limalondini. Føroyska støðan er, at Føroyar fingu ov lítið í sín part, tá ið eitt fyribils býti varð gjørt í 1999. Samanborið við onnur onnur limalond, hava vit søgulig veiðitøl at vísa á.

Hoyr innslag í útvarpstíðindunum: