Kalsoyarferjan løgd til viks - raðfesta nýggja Ritu í staðin

Væntandi verður skipið til Fugloyar og Svínoyar boðið út um ársskiftið, og mett verður, at tað tekur umleið tvey ár at smíða

Ritan er álitið á farleiðini til Fugloyar og Svínoyar. Nú er ætlanin at byggja nýtt skip til farleiðina.

Heini Johannesen

08.10.2026 - 18:00

Ætlanin um nýggja kalsoyarferju verður fyribils løgd til viks.

Tað sigur Jacob Vestergaard, landsstýrismaður í vinnumálum, nú ætlanin er at byrja fyrireikingar og projektering til Kalsoyartunnilin í heyst.

Partafelagið Norðoyartunnilin skal standa fyri projekteringini.

Í staðin verður ætlanin um eina nýggja ferju til Fugloyar og Svínoyar raðfest.

Strandfaraskipið Sam

SAM er álitið á kalsoyarleiðini. Ætlanin at byggja nýggja ferju til farleiðina er løgd til viks, tí nú arbeitt verður við møguleikanum at gera tunnil í Kalsoynna.

Nýggja ferjan skal avloysa Rituna, sum í dag røkir farleiðina. Ferjan skal kunna taka tveir bilar og 75 ferðafólk.

Á fíggjarlógini fyri 2027 verða góðar 48 milliónir krónur í óbrúktari játtan fluttar fram, og tí verða tilsamans 68 milliónir krónur tøkar til endamálið í 2027.

Væntandi verður skipið boðið út um ársskiftið, og mett verður, at tað tekur umleið tvey ár at smíða.

Hoyr innslag í útvarpstíðindunum:

08102026_Kalsoyarferjan