Elias í miðdeplinum í seinum sigri á Rhein-Neckar

Elias Ellefsen á Skipagøtu fekk týðandi leiklut, tá hann kom inn í sigrinum hjá THW Kiel á Rhein-Neckar Löwen í gjár. 

Gamaní skeyt sviin Eric Johansson avgerandi brotskastið í netið við seinasta kastinum í dystinum, men føroyingurin var við í tí mesta síðstu 10 minuttirnar á heimavølli.

Føroyski landsliðsspælarin skoraði tríggjar ferðir; tvær ferðir eftir hegnislig gjøgnumbrot og eina ferð í tómt mál og vann eisini eitt brotskast.

Hann misnýtti eisini eina ferð, men tað var eftir drál, timeout og sera sperda skotstøðu úr spískum. Tá eydnaðist útiliðnum at javna til 36-36, men í seinastu álopsroyndini fekk Kiel brotskast, sum svenski bakkurin umsetti til 37-36 á máltalvuni. 

Við sigrinum vann Kiel seg tvey stig framum Flensburg-Handewitt í toppinum á Bundesliguni. Elias Ellefsen á Skipagøtu og teir hava spælt fleiri dystir enn tey, sum elta aftanfyri.

Omanfyri síggjast síðstu minuttirnir ímillum Kiel og Rhein-Neckar, har Elias Ellefsen á Skipagøtu er við í tí mesta.