Onki brast í Viðvík

Í dag skuldi ein djúpvatnsbumba, sum liggur í Viðvík á Viðoynni, brestast.

Men tað eydnaðist ikki fólkunum frá Arktisk Kommando at spreingja djúpvatnsbumbuna í Viðvík.

Orsøkin var, at spreingiperlan hjá teimum ikki virkaði. Tí bleiv eingin spreinging.

Djúpvatnsbumban, sum kom frá einum bretskum Catalina-flogfari, ið datt niður í Viðvík í 1943, liggur sostatt framvegis í haganum.

Fólk frá Arktisk Kommando fara at gera eina nýggja roynd at spreingja bumbuna, tá veðrið aftur loyvir tí.

Og í hesum sambandi heitir Arktisk Kommando á fólk um ikki at nærkast bumbuni.