Fyrstu tonsini av dieselolju eru á veg til USA

Eitt russiskt tangaskip við dieseiolju fer úr Russlandi til USA í morgin.

Tað sigur russiski varaforsætisráðharrin, Aleksandr Novak, sambært aserbadjansku tíðindastovuni APA. 

Sambært Alexandr Novak er tangaskipið fermt við 40.000 tonsum av dieseli.

Hetta er fyrsta veitingin av dieseli sambært avtaluni, sum amerikanski forsetin, Donald Trump, og russiski forsetin Vladimir Putin gjørdu fyrr í hesum mánaðinum. 

Størri nøgdir seinni

Trump segði tá, at Russland sendir USA og heiminum 300.000 tons av diesel. 

Í november skal Russland senda 500.000 tons aftrat, og síðani 1 millión tons, sambært Trump.

Stutt eftir, at avtalan var gjørd, segði amerikanska fíggjarmálaráðið, at amerikonsku revsitiltøkini móti russiskum diesel-veitingum eru strikað til apríl næsta ár.

Ukraina og sameind hjá Ukraina í Evropa hava funnist hvassliga at avtaluni. 

Ukrainski forsetin, Volodymyr Zelensky, sigur avtaluna vera "ein gáva" til Putin.