Løgreglan fer nú at seta seg í samband við kvinnurnar

Tær 100 kvinnurnar, sum eru avmyndaðar naknar ella hálvnaknar, kunnu vænta at fáa boð frá løgregluni næstu tvær vikurnar.

Talan er ikki bert um nýggjar myndir, men eisini um 25 ára gamlar av geymanum "Golden Maps," sum enn er í umferð. 

Fimm mans eru handtiknir og skuldsettir fyri ólógliga at hava varðveitt og hava deilt myndir av fleiri enn 100 kvinnum. Menninir eru latnir leysir, men eru framvegis skuldsettir í málinum. 

Politiið væntar at vera liðugt við kanningararbeiði í ár, og síðani verður málið latið ákæruvaldinum. 

Hoyr innslag í útvarpstíðindunum og samrøðu við Kára Jacobsen, politikommisser, sum er deildarleiðari á kanningardeilini hjá politinum: