Sparingarnar í heilsuverkinum fara at raka sjúklingar

- Tað fer at ganga út yvir ta menningina, sum hevur verið seinastu árini í sjúkrahúsverkinum.

Tað sigur Sirið Stenberg, eftir at Eyðdis Hartmann Niclasen hevur svarað grein 52-fyrispurningi um avleiðingarnar av teimum sparingum, sum samgongan ætlar at gera í heilsuverkinum næsta ár.

Hoyr innslag í útvarpstíðindunum

Sparingarnar fara at ávirka bíðilistarnar

Ætlaðu sparingarnar hjá landsstýrinum í heilsuverkinum fara at kosta sjey ella átta størv.

Fimm ella seks størv í Landssjúkrahúsinum, eitt í Klaksvíkar sjúkrahúsi og eitt í Suðuroyar sjúkrahúsi.

- Bíðilistarnir fara ikki niður við tí ferðini, sum mann kanska hevði ynskt.

Tað sigur Eyðdis Hartmann Niclasen, landsstýriskvinna í heilsumálum, sum var gestur í útvarpsstovuni.

Hoyr samrøðu í útvarpstíðindunum